What!?!!?

Hvað er að fólki? Er þetta einhvers konar grín? Eru allir nema ég skyndilega búnir að breytast í einhverja sprenghlægilega brandarakarla sem valhoppa um leysandi vind framan í hvorn annan? Hvað er að gerast í þessu samfélagi? Ég droppa hérna einu stuttu og meinlausu commenti um hvað fólk getur verið heimskt og gert lítið mál úr engu og allt í einu ákveða allir aðrir að gera stærsta fokking spikfeita úlfalda úr minnstu, væskilslegustu og malaríu-smituðustu mýflugu sem þessi heimur hefur séð.

Fólk er í alvörunni að commenta fáránlegustu hluti á þessa síðu. Góðkunningi minn hann Halldór segir að ég sé óþroskaður og stundi mannfyrirlitningu. Hmmm, hvar fannstu dæmi um mannfyrirlitningu á síðunni minni? Var það færslan sem ég kallaði vini mína aumingja? Eða færslan sem ég sagði að vísindamaður og menntaður læknir væri hálfviti? Lof mér að leiða þig inn heim hinna viti bornu, Halldór: Ég fyrirlít menn. Hver einasta bloggfærsla á þessari síðu (með ákveðnum undantekningum, að sjálfsögðu) fjallar um mannfyrirlitningu. Ekki segja mér að ég stundi mannfyrirlitningu eins og ég viti það ekki. Og varðandi ásökun þína um óþroska hef ég aðeins eitt að segja: Fokkaðu þér.

"Kaldhæðni getur verið æðislegt vopn..." djöfull finnst mér alltaf jafn fyndið þegar fólk tekur blogginu mínu eins og það séu einhvers konar djúpar félagsfræðilegar pælingar sem ég er að setja fram og ekki bara biturt internet-röfl sem einhverjum gaur datt í hug að skrifa í sínum frístundum. En takk, maður. Takk allir, takk fyrir að sýna mér að fólk sé actually að lesa bloggið mitt og gefandi niðrandi sleggjudóma varðandi persónuleikann minn fyrir að segjast hata Bubba Morthens. Vá, en sá glæpur. Afsakið meðan ég upplýsi Ríkslögregluna um ástandið, það þarf sennilegast að handtaka u.þ.b. einn þriðja af Íslandi.

Hvenær varð það glæpur að segja að Bubbi Morthens sé asnalegur? Missti ég af einhvers konar fundi? Hvenær missti ég réttinn til að finnast fasísk dýrkun einni manneskju ógeðsleg, og sérstaklega þegar það er verið að dýrka þennan sköllótta belg? Annars (eins og ég hef margoft tekið fram) hef ég ekkert persónulegt gegn Bubba Morthens. Ég fyrirlít fullt af sköllóttu fólki, eins og Jóhann Jóhannsson, Billy Corgan (það gubbsleikjandi fífl) og söngvarann í Á Móti Sól.

Ég vill líka vera með einn hlut á hreinu hérna: Ég hef aldrei gert nokkurn skapaðan hlut í þeim vonum að koma mér á framfarir. Ákveðið fólk, eins og félagi minn hann Anonymous (sem er reyndar búinn að commenta frekar mikið hjá mér) virðist halda að ég sé að "fela (minn) veika innri mann sem reynir í örvæntingu sinni að koma (mér) á framfæri í þessu littla landi." Ert þú fífl? Góður slatti af færslunum á þessu bloggi fjallar akkúrat um það að ýmis dagblöð á þessu landi séu að sýna mér of mikla athygli, miðað við það að ég hef ekki gert jack shit til að eiga það skilið.

Ég prófaði einn hlut í dag. Ég fór og surfaði netið í smá stund, og skoðaði comment á öðrum blogger og folk.is síðum, og fannst það mjög einkennilegt að hvergi annars staðar rakst ég á ábendingu varðandi stafsetnignu- og/eða málfræðivillur. Hérna er til dæmis í heild sinni nýlegast færslan af síðunni http://123456.blog.is/blog/tina/, sem ber tiltilinn 'athugið':

" ég er með ferðaskrifstofu ferðaskrifstofan ég var að búa til fana í dag það kesmst ekkert á henni en maður fær upplysíningar t.d hvað er margir kíló metrar til spán það er 2104 hringið í síma 6267730 það lokar kl 3:15"

Eflaust taka ófáir lesendur eftir áberandi stafsetningar- og málfræðivillum í þessum texta, en eina commentið sem hún 'Tina' fékk er frá henni Löru J, sem sagði:

"Hefurðu ekkert annað að gera ???????"

Athyglisvert. Það "væri ekkert allskostar óvitlaust fyrir Tinu að láta prófarkalesa bloggsíðuna sína."

Heimsku fífl. Mér býður við ykkur, en á góðan, svolítið fyndinn hátt. Mér líður svolítið eins og manni sem gubbar fram af svölum, og fær síðan heimsóknir frá fólkinu sem gubbið lenti á svo það geti sagt við mig: "Heyrðu... gubbið þitt er ekkert sérstaklega gott á bragðið. Bara svona, svo þú vitir það."